Tameɣra n Tlelli d tafsaka ilmend n wesmketi n Mass Yugurten. Tafaska-agi tedder seg zik n zik deg taddart n Mass Yugurten deg Awras, taddart i wumi qqaṛen Ayt-Yujerten ; tezga-d lewhi n 10 Km ɣef Tamerwant deg webrid ɣer Tseryant. Tedder daɣen deg yiwet n taddart i d-yezggan ger Bgayet d Sṭif ; imezdaɣ n taddar-agi dɣa ttakken aṭaṣ isem n Yugurten i warraw-nsen.

Iwiziwen n Tiddukla Afulay n Mdawruc, Tarwa n Tanit d Sewwaman xsen (ran) ad sseddren tafaska-a deg yal tama n Tmazɣa. Aseggas-a, ad tili deg Paris ass n 28 wember seg 19T00 ɣer 23T00. Ad yili weskasi s tmazɣit akk d tefransist anida ara d-mmeslayen imikkiyen i d-yussan seg waṭaṣ n temnaḍin n Tamazɣa (seg Tsiwa ɣer Tkennaṛin u seg Afeǧǧaǧ Amellal neɣ il Agerakal ɣer Tneẓṛuft). Ad ilint daɣen kra n tuɣac (tizlatin) d tmedyazt d-yettawin ɣef Mas Yugurten.

Win yebɣan ad yekki ad yessiwel i Brahim SLIMANI ɣer 06 74 48 91 73 neɣ ad yaru ɣer : yugurten@apulee.com